Бугун,

  • USD 11095.31
  • RUB 173.84
  • EUR 10772.44

Москвада ўткир респиратор вирусли инфекция (ЎРВИ) касаллиги билан оғриган барча беморларга шифокорлар томонидан уйда ўзини яккалаш бўйича кўрсатмалар берилмоқда. Бу ҳақда Москва мэрининг ўринбосари Анастасия Ракова маълум қилган.

Фото: «Известия»

Фото: «Известия»

Ракованинг сўзларига кўра ЎРВИнинг барча ҳолатлари таҳлиллар олмасдан туриб коронавирус билан касалланишга гумон қилишга асос бўлади.

«Шаҳарда инфекция тарқалишини олдини олиш учун ЎРВИ билан касалланган барча шахсларга бош санитар врач томонидан ёзилган мажбурий тартибдаги қарор тақдим қилинади ва улар 14 кун давомида изоляция тартибига риоя қилиши шарт. Улар билан бирга яшовчи яқин қариндошлар ёки танишларга ҳам худди шундай қарор берилади», — дея таъкидлаган Москва маъмуриятининг вакили.

Аввал Россиянинг Москва вилоятидаги касалхоналардан бирида 9 нафар тиббиёт ходими коронавирус юқтириб олгани, Москвада карантинда ҳам ишлашни давом эттирган «Ҳалол сомса» кафеси эшиги бетон билан тўсиб қўйилгани, Москвада кўчага чиқиш учун рақамли рухсатнома жорий қилингани ҳақида хабарлар берилган.

Россияда 16 апрель ҳолатига коронавирус билан касалланганлар сони қарийб 28 минг нафарга етган, вафот этганлар эса 232 кишини ташкил қилмоқда. Мамлакатда коронавирус пандемияси туфайли Ғалаба паради кейинга қолдирилган.

Изоҳ
Asosiy yangiliklar
Дунё
«Украинадаги урушни Россия бошламаган» — Путин (видео)
Маҳаллий
Ўзбекистонда давлат ташкилотлари машиналарига газ қуйиш вақтинча тақиқланди
Маҳаллий
Тошкентда Cobalt йўлдан ўтаётган она-болани уриб юборди (видео)