Bugun,

  • USD 11095.31
  • RUB 173.84
  • EUR 10772.44

Rossiyalik infeksionistlar Eurekalert’da chop etilgan tadqiqotlar xulosasiga baho berdi, deb xabar beradi “RBK”. Tadqiqot natijalariga ko‘ra, AQShdagi Sintsinati univeristeti olimlari COVID-19 bilan kasallangan bemorlarda tumov bo‘lmasligini, lekin ta’m bilish qobiliyati yo‘qolishi mumkinligini ta’kidlagan. Ushbu alomat kasallikning dastlabki bosqichidagi asosiy belgilaridan biri bo‘lishi taxmin qilinmoqda.

Foto: “RBK”

Foto: “RBK”

“Bu haqda xitoylik, yevropalik olimlar ham yozgandi, biz ham amaliyotda koronavirus infeksiyasini yuqtirib olgan bemorlarda ORV va grippdagi kabi tumov yo‘qligini guvohi bo‘lyapmiz. COVID-19 bilan kasallanganlarning so‘laklarida buzilish kuzatiladi, bu shishni keltirib chiqaradi va oqibatda ta’m sezish qobiliyati zaiflashadi”, — deya ta’kidlagan Rossiya xalqlar do‘stligi universiteti infeksionist-vrachi Galina Kojevnikova.

Olimaning aytishicha, ta’m sezish qobiliyati barchada birdek yo‘qolayotgani yo‘q, taxminan 30 foiz bemorlarda kuzatilmoqda.

“Bu yagona va asosiy simptom emas. Istitma ko‘tarilishidan tashqari, kasallikning asosiy belgisi bu — yo‘tal, qiynalib nafas olish va holsizlik. Yo‘tal ko‘p hollarda quruq bo‘ladi, lekin pnevmoniya darajasidagi ayrim vaziyatlarda quruq bo‘lmasligi ham mumkin. Bu ko‘pincha kasallikning keyingi bosqichlarida kuzatilmoqda”, — deydi Kojevnikova.

Yuqumli kasalliklar bo‘yicha mutaxassis Ilya Akinfiyevga ko‘ra koronavirus infeksiyasida tumovning umuman bo‘lmasligi asossizdir.

“Aslini olganda koronavirus infeksiyasining asosiy belgisi bu — isitma, tana haroratining ko‘tarilishi. Ikkinchisi — quruq yo‘tal. Pnevmoniyada quruq yo‘talning kuzatilishi odatiy holat. Uchinchi belgi bu — organizmda intoksikatsiya kuzatilishi: bosh og‘rishi, mushaklarda og‘riqlar kuzatilishi”, — degan shifokor.

Akinfiyev kasallik turlicha o‘tishi, hatto tumov bilan yoki burunda hech qanday o‘zgarishsiz shaklda ham kuzatilishi mumkinligini qo‘shimcha qilgan. Shifokor buning koronavirus yoki u emasligini faqat tahlillar olinganidan keyingina aniq aytish mumkinligini qayd etgan.

“COVID-19’ning simptomlar kuzatilmaydigan shakli ham uchrayotganini unutmaslik lozim, ya’ni kasallik tashuvchisi bo‘lgan inson o‘zi koronavirus yuqtirganini bilmasligi va uni atrofdagilarga yuqtirishda davom etishi ham mumkin”, — degan yuqumli kasalliklar shifokori.

Avval JSST vakili Margaret Harris COVID-19’ning yagona yaqqol belgisi bu tana haroratining keskin ko‘tarilishi ekanini aytib o‘tgandi.

Izoh
Asosiy yangiliklar
Mahalliy
O‘zbekistonda dam olish kunlari qanday ob-havo bo‘ladi?
Dunyo
“Biz Rossiya bilan urushni xohlamaymiz, ayniqsa uchinchi jahon urushini” — Blinken
Madaniyat
“Bir yarim oy isitmaladim, shunchaki hech qayerga ovoza qilmadim”. Yulduz Usmonova salomatligidagi muammo va bitta qo‘shiqni ikki-uch kishiga sotib yuborayotganlar...