Япония бош вазири Синдзо Абэ фавқулодда ҳолат режими мамлакатнинг бутун ҳудудида жорий қилинишини маълум қилди. Фавқулодда ҳолат режими 7 майгача амалда бўлади. Бу ҳақда NHK хабар берди.
Мамлакат ҳукуматининг маълум қилишича, бу қарорнинг қабул қилинишига фавқулодда ҳолат жорий қилинган еттита ҳудуддан ташқарида коронавирус аниқлангани сабаб бўлган.
Японияда фавқулодда ҳолат режими 7 апрелда мамлакатнинг 47 та префектурасидан 7 тасида, шу жумладан, Токиода эълон қилинган.
Жонс Ҳопкинс университети маълумотларга кўра, Японияда коронавирусни юқтириб олганлар сони 8600 кишидан ошган, 178 киши касаллик қурбонига айланган.
Изоҳ (0)