Мадриднинг «Реал» клуби коронавирус пандемияси туфайли юзага келган инқирозга қарамай «Сантьяго Бернабеу»ни таъмирлаш жараёнини тўхтатмайди, дея хабар қилмоқда Daily Mail.
«Реал» қурилиш ишларини давом эттириш борасида Мадрид шаҳрининг мунисипал идорасидан расмий рухсат олган. Лойиҳа 500 миллион фунтга (570 миллион евро) баҳоланган. Клуб 360 градусли видеоэкран жойлаштириш билан бирга, арена томини ёпиладиган қилмоқчи. Реконструкция ишлари 2022 йилнинг октябрида якунланиши режалаштирилган.
Стадионда таъмирлаш ишлари мавсумлар оралиғида олиб борилиши режа қилинганди, бироқ короанвирус туфайли юзага келган танаффус ишларни эртароқ бошлаш имкониятини яратган.
Аввалроқ «Реал»нинг уй стадиони коронавирус пандемияси даврида дори-дармон ва тиббиёт ашёлари сақланадиган омборга айлантирилиши хабар қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)