«Барселона» ҳужумчиси Антуан Гризманн фаолиятини «Интер»да давом эттириши мумкин.
Аввалроқ каталон клуби миланликлар форварди Лаутаро Мартинесга қизиқиш билдираётгани хабар қилинганди. La Gazzetta dello Sport нашрининг хабар қилишича, «Интер» аргентиналик футболчини қўйиб юбориш эвазига «Барселона»дан Гризманни сўрайди. «Интер» футболчилар рокировкаси борасида «Барселона» билан дастлабки музокараларни олиб борган.
Бироқ бунга Гризманнинг ўзи қандай жавоб бериши номаълум бўлиб турибди. Милан шаҳри жамоаси Лаутарони 111 миллион евродан камига қўйиб юбориш истагида эмас.
Жорий мавсум Мартинес «Интер» сафида 31 ўйин ўтказиб, 16 гол ва тўртта самарали узатма амалга оширди. Гризманн ҳисобида эса 37 ўйинда 14 гол ва 4 та голли узатма бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)