Бугун коронавирус инфекциясига чалинган беморларнинг 11 нафари Наманган вилоят юқумли касалликлар шифохонасини тарк этди. Бу ҳақда «Дарё» мухбири Азизбек Абдувалиев хабар бермоқда.
Соғайган беморларнинг 3 нафари эркак, 8 нафари аёллар.
Уларнинг барчаси коронавирусга чалинганлар билан мулоқотда бўлиб, инфекция юқтириб олган. Самарали даволаш муолажаларидан кейинги текширувлар улар хасталикни тўлиқ енгганини кўрсатди.
Вилоят соғлиқни сақлаш бошқармаси ахборот хизматига кўра, улар Намангандаги реабилитация марказига юборилиб, карантин кузатувига олинди.
Шу тариқа, Наманганда коронавирус инфекциясини юқтирганидан кейин даволаниб, тўлиқ тузалганлар сони 15 нафарга етди.
Мавзуга доир: Наманганда коронавирусга чалинган 4 нафар бемор тузалди
Изоҳ (0)