Самарқанд вилояти Каттақўрғон шаҳридаги «Гўзалкент» маҳалласида икки қаватли уйларнинг бирида 12 апрель, якшанба куни, портлаш содир бўлгани хабар берилганди. ИИВ портлаш ис газининг сиқилиши натижасида юзага келган чақнаш оқибатида содир бўлганини маълум қилганди.
Бош прокуратура матбуот хизматининг «Дарё»га маълум қилишича, воқеа юзасидан Жиноят кодесининг 259-моддаси 2-қисми а, б бандлари (Ёнғин хавфсизлиги қоидаларини бузиш одам ўлиши, бошқа оғир оқибатлар келиб чиқишига сабаб бўлиши) билан жиноят иши қўзғатилди. Жиноят иши юзасидан алоҳида назорат ўрнатилган.
Дастлаб ҳодиса оқибатида 2 киши ҳалок бўлган, 5 киши жароҳатланганди. Кейинчалик жароҳатланганларнинг яна бири вафот этган. Қолган тўрт киши турли даражадаги тан жароҳатлари билан шифохонада қолмоқда.
Изоҳ (0)