Namanganda koronavirusga chalingan 4 nafar bemor tuzaldi
Namangan viloyatida 4 nafar koronavirusni yuqtirgan fuqaro butunlay sog‘aydi. Ular viloyat sog‘liqni saqlash boshqarmasi boshlig‘i Solijon Mo‘minov va boshqa mas’ullar tomonidan viloyat reabilitatsiya markaziga kuzatib qo‘yildi. Kasallikdan tuzalgan fuqarolar ma’lum muddat shu yerda karantinda bo‘ladi. Bu haqda Sog‘liqni saqlash vazirligi xabar berdi.
“Bugun mening hayotimda unutilmas sana. Xuddi qayta dunyoga kelgandek his etyapman o‘zimni. Bizni o‘ylab shunchalik sharoit yaratib bergan Prezidentimizga behisob rahmat. Shifokorlarimizdan bir umr minnatdormiz. Ular o‘zlarining jasoratli xizmatlari, yuksak malakalari, insoniy munosabatlari bilan bizni oyoqqa turg‘azishga sabab bo‘ldi”, — dedi tuzalgan bemorlardan biri.
Shu tariqa, O‘zbekistonda koronavirusdan tuzalganlar soni 42 nafarga yetdi. 9-aprel kuni kasallikdan tuzalgan 8 kishi Virusologiya ilmiy-tekshirish instituti klinikasidan Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markaziga kuzatilgan edi.
Mavzuga doir: O‘zbekistonda koronavirusga chalingani aniqlangan ilk bemor sog‘aydi. U bilan birga 14 nafar oila a’zosi kasalxonani tark etdi
