Баъзида сиз-у бизга фойдали бўлиб кўринган маҳсулот аслида аксинча бўлиши мумкин. Harper’s Bazaar бир кўришда фойдалидек туйилган, аммо таркиби ўрганилса, фикр ўзгариши мумкин бўлган 3 та маҳсулот ҳақида маълумот берди.

Ёғсиз йогурт

Фото: Harper’s Bazaar

Йогуртнинг ёғсизлиги ҳисобига унга кўп миқдорда шакар қўшилган бўлади. Бу эса организмда глюкозанинг кўпайишига сабаб бўлади. Ёғсиз йогуртдан кўра таркибида шакар бор газли сув ичган яхши.

Дон маҳсулотларидан тайёрланган нон

Фото: Harper’s Bazaar

Кўпинча оқ ундан тайёрланган таомлардан воз кечиб, дон маҳсулотларидан тайёрланган нонни истеъмол қилиш тавсия қилинади. Лекин шуни унутмаслик керакки, бундай нон таркибида консервант ҳамда кимёвий моддалар кўп бўлади. Шу боис нон харид қилишдан аввал ёрлиғини ўқиш, таркибини ўрганиш тавсия қилинади.

Глютенсиз маҳсулотлар

Фото: Harper’s Bazaar

Кўпчилик глютенсиз маҳсулотларни соғлиқ учун фойдали деб ўйлайди. Аслида эса бундай маҳсулотларда буғдой уни ўрнига жигарранг гуруч уни ишлатилади ва унинг таркибида углеводлар буғдой унидан кам эмас.