UFC промоушени 18 апрель куни бўлиб ўтиши керак бўлган мусобақасини бекор қилди. Бу ҳақида ташкилот расмий сайтида хабар берилди.
UFC 249 мусобақаси ўтказилмайдиган бўлди. Дунё бўйлаб тарқалган коронавирус пандемиясига қарамай промоушен президенти мусобақа учун жой топганини эълон қилганди. Бироқ охир-оқибат мусобақа ўтказилмаслиги айтилди.
«Мусобақани ўтказишга тайёр эдик, аммо энг юқори даражадаги шахслардан қўнғироқ бўлди. Бизга тўхташ кераклиги айтилди», — дейди UFC раҳбари Дэйна Уайт.
Эслатиб ўтамиз, UFC 249 мусобақасининг асосий жанги Ҳабиб Нурмагомедов ҳамда Тони Фергюсон ўртасида кечиши кутилганди. Бироқ Ҳабиб коронавирус сабаб Россиядан чиқиб кета олмаслиги маълум бўлгач, унинг ўрнига Фергюсон билан Жастин Гетжи жанг қилиши белгиланганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)