Мадриднинг «Реал» клуби коронавирус пандемияси сабаб маошларни қисқартирганини маълум қилди.
Клуб расмий сайтида маълум қилинишича, футболчилар, мураббийлар штаби ва раҳбариятдагиларнинг маоши қисқартирилади. Якуний қарор мавсумнинг давоми қандай бўлишига боғлиқ бўлади. Яъни мавсум давом эттирилиши ёки муддатидан аввал якунланишига қараб, маошлар 10—20 фоиз оралиғида қисқартирилади.
Мазкур қарор футбол ва баскетбол асосий жамоалари учун амал қилади. Қайд этилишича, клубнинг бошқа ходимлари маоши камайтирилмайди.
Аввалроқ «Барселона» ва «Атлетико» футболчиларининг маоши 70 фоизга қисқартирилган эди.
Мавзуга доир: «Ювентус» футболчи ва мураббийларнинг 4 ойлик маошини бермайди. Клуб 90 млн евро тежаб қолади
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)