Германиянинг Берлин шаҳридаги туманларидан бирининг осмонида Flight Design CTLS шахсий самолёти учувчиси Пасха қуёни тасвирини «чизди». Ушбу ҳолат 8 апрель куни FlightRadar24 томонидан қайд этилган, деб ёзади AviaNews.
Учувчи Лангенлипсдорф аҳоли яшаш пунктидан ҳавога кўтарилиб, Берлинни айланиб чиққан ва ҳавода қуён шаклини «чизган». Шундан сўнг самолёт Ной-Цауха коммунаси ҳудудига қўнган.
Учувчи борт рақами D-MUPY бўлган Flight Design CTLS самолётини бошқарган.
Маълумот учун, Германияда ҳам коронавирус туфайли карантин эълон қилинган. Авиақатновлар бутунлай бекор қилинган.
Христиан динига эътиқод қилувчилар 12 апрель куни Пасха байрамини нишонлайди.
Изоҳ (0)