Илон Маск муаллифини кўрсатмай, мем жойлади. Энди унинг фолловерлари мем муаллифига машина беришни талаб қилмоқда

Илон Маск Twitter’даги саҳифасига итнинг расмидан иборат мем жойлаштирди. Унда жонивор сочи олингунича ва ундан кейинги ҳолатда акс этган.

«Итимнинг сочини олдирдим. У энди худди ичишни ташлагандек кўриняпти».

Илон Маскнинг ҳар бир пости жуда кўп Twitter фойдаланувчиларининг эътиборини тортади. Навбатдаги пост ҳам бундан мустасно эмас.

Маскнинг кузатувчилари бошқа жониворлар иштирокидаги шунга ўхшаш расмлар ва мемларни юбора бошлади.

«Болалигингда онанг сочингни олишга қарор қилганида»

«Шармандалик ҳақида нима биласан?»

What do you know about shame... pic.twitter.com/FmeLST1xrN

— Eva Fo𝕏 🦊 Claudius Nero's Legion (@EvaFoxU) April 5, 2020

Изоҳларга Лос-Анжелесда яшовчи Морган Мёрфи исмли қиз ҳам қўшилди. У итнинг эгаси эканлиги ва ушбу ҳазилни у ўйлаб топганини ёзди. Далил сифатида у 2017 йилда эълон қилинган твит скринини кўрсатди. Суратда бу ҳазил уч йил олдин унинг саҳифасига жойланганини кўриш мумкин.

I made that. That’s my dog & joke.🤷‍♀️ pic.twitter.com/iBWxN9skuY

— Morgan Murphy (@morgan_murphy) April 5, 2020

Шундан сўнг кўпчилик интернет фойдаланувчилари Маскни муаллифни кўрсатмай мем эълон қилгани учун танқид қилди.

Қизнинг ўзи эса Илон Маскни танқид қилиш фикридан йироқ эди, у шунчаки суратдаги кучукча уники эканлигини айтмоқчи эди, холос. Бироқ, шундай бўлса-да, ярми ҳазил, ярми чин тарзда Маскдан мем учун мукофот тариқасида машина сўраб кўрди.

«Бу менинг кучукчам. Унинг исми Жек. Сиздан машина сўрасам майлими?» деб ёзди Морган.

Hi this is my joke &my dog. His name is Jack. May I have a car please? 🙏 https://t.co/8xHhPRQQ3f

— Morgan Murphy (@morgan_murphy) April 5, 2020

Бу ғояни бошқа фойдаланувчилар ҳам илиб олди ва тадбиркордан аёлга машина беришни сўради.

Илон Маск аёлга машина совға қилиш-қилмаслиги ҳозирча номаълум, бироқ у ит ва унинг татуировкасига юқори баҳо берди:

«Ёқимли кучукча. Меники ҳам унга ўхшайди, бироқ унинг ранги оқ-қора. Татуировкаси ҳам зўр».

Lovable dog ❤️. Mine looks like yours but in black & white.

— Elon Musk (@elonmusk) April 5, 2020

Nice ink

— Elon Musk (@elonmusk) April 6, 2020