Буюк Британия қироличаси Елизавета II коронавирус пандемияси сабаб 18 йил ичида биринчи бор фуқароларга мурожаат йўллади. Гап 5 апрель куни телевидение орқали трансляция қилинган нутқ ҳақида кетмоқда. Ушбу ҳолат кўплаб фотошоп усталарининг эътиборига тушди, деб хабар беради «Korrespondent.net».
Қиролича ўз мурожаатида карантин қоидаларига ўз хоҳиши билан риоя қилаётган фуқароларни мақтаб, тиббиёт ходимларига миннатдорчилик билдирганди.
Бироқ блогерлар Елизавета II нинг «яшил экран»ни ёдга солувчи феруза рангли кўйлагига эътибор қаратган. «Яшил экран»дан асосан фото ва видео суратга олиш ишларида фон сифатида фойдаланилади. Шундан сўнг объект ортидаги фон бошқа тасвирга алмаштирилади.
Питер Чийковский исмли фойдаланувчи ўзининг Twitter’даги саҳифасида қироличанинг кийимини фотошоп учун ажойиб шаблон деб атаб, қизиқарли фотомонтажлар сериясини тақдим этган.
Эндиликда Британия қироличасининг мушуклар башараси ва турли машҳур персонажлар туширилган кўйлаги бор.
Изоҳ (0)