Ижтимоий тармоқларда пиёзнинг шифобахш хусусиятлари, жумладан коронавирусни ўлдириши таърифланган видеолавҳа тарқалди, деб ёзмоқда Ўзбекистон Соғлиқни сақлаш вазирлиги (ССВ) матбуот хизмати.
Унда Зилола исмли фуқаро икки-учга бўлиб қўйилган пиёз бўлакларини деразалар олдига, шкафлар ичига, умуман одам кирадиган барча жойларга қўйиб чиқилса, у ҳар қандай вирусни, жумладан, коронавирус ўзига тортиб олиб, касаллик тарқалишининг олдини олишини айтган. Бу гаплар қанчалик асосли эканлиги юзасидан «Kun.uz» Соғлиқни сақлаш вазирлигининг Коронавирусга қарши кураш штаби масъул ходими Саидмурод Саидалиевдан изоҳ олди.
«Пиёз организм учун фойдали маҳсулотлиги, жумладан, бактерицид хусусиятга ҳам эга эканлиги шубҳасиз. Чунки унинг таркибида фитонцид моддалар мавжуд ва улар кўплаб бактерияларни ўлдириш хусусиятига эга. Аммо пиёзнинг вирусларни ўзига тортиб олиши ва ўлдириши сафсатадан ўзга нарса эмас.Аввалроқ ижтимоий тармоқларда саримсоқ ва cиркали сувдан ҳам коронавирусни даволашда фойдаланиш мумкинлиги ҳақида хабарлар тарқалганди. Санитария-эпидемиология назорати давлат инспекцияси раҳбари Нурмат Отабеков саримсоқ на антибактериал, на антивирус препарат эканлигини, сувга cирка аралаштириб ичиш эса оғиз бўшлиғини баттар яллиғлантириши ва вирус кириши мумкин бўлган жойнинг пайдо бўлишига олиб келишини айтган эди.Бўлакларга бўлиб уйга сочиб чиқишнинг коронавирусдан ҳимоялаши ва бу касалликка даво бўлиши илмий жиҳатдан умуман асосланмаган. Пиёз ҳам кесиб қўйилса, ҳар қандай бошқа сабзавот сингари вақт ўтиб эскиради, қораяди ёки бошқа тусга киради. Бу асло вирусларга боғлиқ эмас.
Юртдошларимизга интернетдаги ‘мутахассис’лардан эмас, бевосита соҳа вакилларидан маслаҳат олишни тавсия қилган бўлардим», — деб жавоб берган Саидмурод Саидалиев.
Изоҳ (0)