Самарқанд шаҳрида жойлашган Ўзбекистон Қуролли кучлари кичик мутахассислар тайёрлаш маркази биносига жойлаштирилган 1051 нафар фуқаронинг 14 кунлик карантин муддати тугади ва уйига қайтарилди. Бу ҳақда «Дарё» мухбири Фарҳод Норбўтаев хабар бермоқда.
Маълум қилинишича, 2020 йилнинг 25 март куни карантинга олинган фуқаролар тиббий кузатув даврида икки маротаба лаборатория тест синовларидан ўтказилган. Олинган таҳлил натижалари кузатувда бўлганларда вирус йўқлигини кўрсатган. Эндиликда ушбу фуқаролар 10 кун давомида уй шароитидаги карантин кузатувида бўлади.
Эслатиб ўтамиз, Самарқанд вилоятида яшовчи фуқаро 4 апрель, шанба куни, томоқ оғриши ва тана ҳароратининг кўтарилиши билан яшаш ҳудудидаги поликлиникага мурожаат қилганди. Унда коронавирус аниқлангач, беморнинг катта корхона бошқарувчиси эканлиги айтилиб, у билан мулоқотда бўлган 200 киши карантинга олинди.
2020 йил 9 апрель ҳолатига кўра, вилоятда коронавирус инфекцияси қайд этилганлар сони 1 нафарни ташкил қилмоқда.
Мавзуга доир:
Ўзбекистонда коронавирусга чалинганлар сони 9 апрель Тошкент вақти билан соат 15:30 ҳолати бўйича 582 кишига етди. Шу пайтга қадар уч киши (бир аёл ва икки эркак) коронавирус сабаб вафот этди.
Изоҳ (0)