Сирдарё вилоятининг Сардоба туманида 7 апрель куни бемақсад велосипед ҳайдаб юрган 63 ёшли С.С. жаримага тортилди, деб хабар бермоқда ИИВ матбуот хизмати.
Самарқандда ҳам 46 ёшли фуқаро О.М. карантин қоидаларига риоя қилмай, велосипедда юргани аниқланган. Улар Маъмурий жавобгарлик тўғрисидаги кодекснинг 54-моддаси (Эпидемияга қарши кураш қоидаларини бузиш) бўйича жавобгарликка тортилиб, велосипедлари жарима майдончасига жойлаштирилган.
Аввалроқ Гулистонда карантин қоидаларига риоя қилмаган 46 ёшли фуқаро жаримага тортилгани, Фарғонада карантин қоидасини бузиб ниқобсиз, велосипедда юрган маст фуқаро 15 суткага қамалгани ҳақида хабар берилган эди.
Эслатиб ўтамиз, Ўзбекистонда 6 апрелдан мототранспорт ва велосипедда ҳаракатланиш карантин даврида вақтинча чекланди. Фақатгина ҳаётий зарур эҳтиёжлар — озиқ-овқат, дори-дармон, тиббий буюм ва воситалар харид қилиш, шифокор кўригига, шунингдек, иш жойига бориш ва келиш учун рухсат этилади.
Изоҳ (0)