АҚШ Мудофаа вазирлиги коронавирусга қарши вакцинани синовдан ўтказишга киришди, жараён бир неча ой давом этади. Бу ҳақда АҚШ штаб бошлиқлари бирлашган қўмитасининг бош шифокори генерал Пол Фридрихсга таяниб, «РИА Новости» хабар берди.
«Бугундан вакцинани синовдан ўтказишга киришдик. Бироқ вакцина тайёр деб айтиб бўлмайди. Жараёнга ҳафталар эмас, ойлар кетади», — дейди Фридрихс.
Генералнинг таъкидлашича, бир вақтнинг ўзида бир неча вакцина ҳайвонлар устида синовдан ўтказилмоқда. Вакцинанинг хавфсизлиги тасдиқланса, кичикроқ гуруҳдаги одамлар устида синов ўтказилади, муваффақиятли якунланса, каттароқ гуруҳга ўтилади.
Аввалроқ АҚШда коронавирусни безгакка қарши дорилар билан даволашга рухсат берилган эди. Шуниндек, АҚШда COVID-19 коронавирусига қарши вакцина ишлаб чиқиш бўйича клиник синовлар бошлангани, вакцина Вашингтондаги Саломатлик миллий институти томонидан ишлаб чиқилаётгани ҳақида хабар берилган. Британиядаги hVIVO тадқиқот гуруҳининг коронавирусга қарши вакцина ишлаб чиқиш ва шунга ўхшаш вирусни юқтириш дастурида иштирок этишга 20 мингдан ортиқ одам рози бўлган. 6 апрель куни Туркияда коронавирусга қарши вакцина ҳайвонларда муваффақиятли тест қилинган.
Мавзуга доир:
Изоҳ (0)