Саудия Арабистони ҳукумати коронавирус сабаб оммавий йиғинларни, хусусан, Рамазон ойи давомида масжидлардаги намозлар чекловини узайтиришга тайёр. Бу ҳақда мамлакат соғлиқни сақлаш вазири Муҳаммад Абдул Алига таяниб, «РИА Новости» хабар берди.
«Барча Рамазон ойидаги диний ибодатларни соғинди, бироқ қабул қилинган чоралар коронавирус пандемияси йўқолмагунига қадар давом этади», — дейди вазир.
6 апрель куни Саудия Арабистони ҳукумати Макка ва Мадинадан ташқари яна бир қатор шаҳарда комендантлик соати жорий этилишини маълум қилди, хусусан, пойтахт Ар-Риёд, Жидда шаҳарларида, шунингдек, мамлакат шарқидаги асосий шаҳарлар: Даммам, Дaxран, Ал-Катиф ва Ал-Ҳубарда ҳам.
Эслатиб ўтамиз, Саудия Арабистонидаги Ал-Ҳаром ва Набавий Масжидида жамоат намозлари ўқилиши тўхтатилган, аввалроқ мамлакатда жамоат намозлари ўқилиши вақтинча тўхтатилганди. Сўнгги маълумотларга кўра, Саудия Арабистонида коронавирус билан касалланганлар сони 2605 кишига етди, 38 киши вафот этган.
Маълумот учун, жорий йилда Рамазон ойи 23 апрелдан бошланиб, 23 майга қадар давом этади.
Изоҳ (0)