Xiaomi компанияси икки ядроли процессорга эга Mi Air 2S наушникларини тақдим этди, деб хабар беради Hi-Tech.Mail.ru. Мазкур процессор наушникнинг ҳар бир томонига овознинг смартфондан келишидаги кечикишни камайтиради — ўн ва чап наушниклари орасида тафовут бўлмайди.
Бу эса овоз кечикишларисиз ўйин ўйнаш, видео кўриш ва мусиқа тинглаш имконини беради.
Mi Air 2S наушниклари очиқ шаклдаги кўринишга эга — бу қулоқни тўлиқ ёпмайди, шу сабабли у тақилган бўлса ҳам атрофдаги овозларни эшитиш мумкин. Бу каби форматдан Apple ўзининг АirPods’ларида фойдаланган.
Шунингдек, наушникка ўрнатилган янги чип унинг энергия самарадорлигини оширган. Алоҳида олинганда наушниклар бир марта қувватланиш билан 5 соат ишлай олади, кейси билан биргаликда автономлик 24 соатгача етиши мумкин. Кейснинг ўзи Qi стандарти бўйича симсиз қувватлантирилади, симли қувватлантириш учун USB Тype-C’дан фойдаланилади.
Mi Air 2S бошқа хусусиятлари билан оддий Mi Air 2’га ўхшаш. Наушниклар қулоқдан олинса, мусиқа автоматик тарзда тўхтайди. Наушниклардан бирига тегиниш орқали қўшиқни ўзгартириш ва қўнғироқларга жавоб бериш имконияти мавжуд.
Ҳозирда Xiaomi Mi Air 2S наушникларига 399 юань (58,5 доллар) эвазига олдиндан буюртма бериш мумкин.