Англияда «ўқланган» Skoda Kodiaq кроссоверларидан тез ёрдам хизматида фойдаланилмоқда

Skoda компанияси «ўқланган» иккита Kodiaq RS корссоверларини тез ёрдам машинасига айлантирди. Иккала автомобиль ҳам Англия марказида ишлаб, шифокорларга кечаси ва ноқулай об-ҳаво шароитида санитария авиацияси вертолётлари уча олмаган пайтларда ёрдам кўрсатади, деб хабар берди Motor.

Британиялик тиббиёт ходимларида Skoda Kodiaq’дан фойдаланиш бўйича тажриба бор — 2,5 ой олдин Бирлашган Қиролликнинг Жануби-Ғарбий тез ёрдам хизмати реанимация тадбирларини ўтказишга мўлжалланган 18 та чех машиналарини қабул қилиб олганди. Kodiaq RS ҳам худди шу каби жизоҳланган, барча «Кодиак»ларни такомиллаштириш билан Halls Electrical фирмаси шуғулланган.

«Марказий Англия санитария авиация хизматида Kodiaq RS’дан ташқари яна иккита Skoda Superb ҳам мавжуд, бироқ чех маркасининг тиббиёт версияси — қоидалардан ташқарида. Британия тез ёрдам хизмати асосан универсал кузовга эга Octavia’ни маъқул кўради», — дейилади хабарда.

Оддий Skoda Kodiaq реанимобили 150-кучли 2.0 турбодизель билан жиҳозланган бўлса, Kodiaq RS’га 239 от кучига эга дизель двигатель ўрнатилган. Бу эса тиббиёт ходимларига фавқулодда ҳолатларда тез ва хавфсиз ҳаракатланиш имконини беради.