АҚШнинг Массачусетс штати Бостон шаҳрида яшовчи аёл уч фарзанди учун супермаркетдан олаётган маҳсулотларга пул тўлай олмади. Аёл коронавирус пандемияси сабаб жорий қилинган карантин туфайли ишсиз қолган эди, деб ёзади Unilad.
37 ёшли аэропорт ходимаси Женнифер Веласкес пластик картасида пул камлиги учун зарур маҳсулотларни сотиб ололмаган. Хафа бўлган аёл кўчага чиқиб, тротуарга ўтириб, йиғлаб юборган.
Йиғлаб ўтирган аёлнинг ёнига Бен Пегеро исмли полициячи келди ҳамда ундан ҳол-аҳвол сўрайди.
Аёл пандемия сабаб карантин туфайли ишсиз қолганини айтган. Полициячи вазиятдан хабар топгач, супермаркетга кириб 225 долларга озиқ-овқат маҳсулотларини сотиб олган.
Полициячи егуликлар учун пулни ўз ҳисобидан тўлаган.
«Мен одамларга ёрдам беришни яхши кўрганим учун полицияга ишга кирганман. Мен ўз ишимни яхши кўраман», — дейди Пегеро.
Изоҳ (0)