Мадриднинг «Реал» клуби собиқ ҳимоячиси Грегорио «Гойо» Бенито 73 ёшида вафот этди. Бу ҳақда мадридликлар матбуот хизмати маълум қилди.
«Реал» оиласи бу йўқотишдан чуқур қайғуга ботди. Биз уни клуб тарихидаги буюк ҳимоячилардан бири сифатида ёдда сақлаб қоламиз», — дейилади «Реал» баёнотида.
Таъкидланишича Гойо Бенито сўнгги ўн йил мобайнида хасталик билан курашиб келган.
Испаниялик футболчи «қаймоқранглилар» сафида 13 мавсум ўтказиб (1968—1982 йиллар), 420 та учрашувда майдонга тушган. Бу вақт ичида Бенито 6 бор Испания чемпионлигини қўлга киритган ва беш марта мамлакат Кубогида зафар қучган. Фаолиятининг бошида икки йил «Райо Вальекано»да ижара асосида тўп сурган футболчи кейинчалик фақат «Реал»да ҳаракат қилган.
Шунингдек, Бенито Испания терма жамоаси сафида 22 та ўйин ўтказган.
Official Announcement: Goyo Benito passes away.#RealMadrid
— Real Madrid C.F. 🇬🇧🇺🇸 (@realmadriden) April 2, 2020
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)