Вашингтон полицияси ит томонидан бошқарилиб кетаётган автомобиль ортидан қувди, деб хабар беради CNN.
Полиция йўл ҳаракати қоидаларини бир неча бор бузган транспорт воситасини узоқ вақт кузатиб келган. Таъкидланишича, полиция ходимларига бир неча гувоҳлар қоидабузарлик ҳақида шикоят қилган. Уларнинг айтишича, автомобиль бошқа иккита машина билан ҳам тўқнашув содир этган.
Автомобильни тиконли лента ёрдамида тўхтатишга муваффақ бўлинган. Полициячилар машина рулида питбул зотли ит ўтирганини аниқлаган. Унинг хўжайини эса йўловчининг жойида ўтириб, машинани бошқариб кетаётган бўлган.
Эркакнинг айтишича, у «итига машина ҳайдашни ўргатишга уринган». Эркак ҳибсга олинган, ит эса ҳайвонлар бошпанасига олиб борилган.
Изоҳ (0)