Буюк Британияда яшовчи Роберт Уэйтон Ер сайёрасидаги энг кекса эркак деб топилди. У 29 март куни 112 ёшни қарши олди. Бу ҳақда Гиннес рекордлар китоби сайтида айтилади.
Роберт Уэйтон Лондонга кўчиб келишидан аввал Канада ва Тайванда яшаган. У иккита жаҳон уруши ва Испан эпидемиясини бошдан кечирган.
«Роберт ҳалигача ишлайди. Лекин пул учун эмас, ўзи учун», — дейилади хабарда. У ўйинчоқ тегирмонлар ясайди ҳамда уларни 50 доллардан сотади. Тушган пул хайрияга йўналтирилади.
Уэйтондан олдинги дунёнинг энг катта ёшли эркаги япониялик Титецу Ватанабе 23 февраль куни оламдан ўтганди. У 112 ёш-у 355 кунлик эди.
Изоҳ (0)