Баҳор-ёз мавсумини шимларсиз тасаввур қилиб бўлмайди. Ҳеч бир мода чиқишлари йўқки турли услубдаги шимларсиз, янги образларсиз яратилса. Шим ҳар бир аёл гардеробида алоҳида ўрин эгаллаганини айта оламиз. Cosmopolitan нашри 2020 йил баҳор-ёз мавсумида урфда бўладиган шимлар рўйхати билан бўлишди.
Классик услубдаги аёллар шими
Ушбу услубдаги шимнинг мухлислари кўп эканига шубҳа йўқ. Классик услубдаги шимни тўғри мосласа фақатгина дресс код сифатида эмас, кундалик турмуш ёки оқшом образи сифатида ҳам кийса бўлади. Мазкур шимлар аёлларни тартибли, дидли, қоматни озғин қилиб кўрсатади.
Мавзуга доир: Баҳор-ёз мавсумида қандай кўзойнаклар урфда бўлади?
Ушбу услубдаги шимни фақат спорт машғулотларида кийилади деб ўйлаганлар қаттиқ адашади. Street style’да кўзга кўринган образларни иккитадан биттаси мазкур шим иштирокида бўлади. Унинг қулайлиги, ҳаракатланишга осонлиги аёлларни ўзига ром қилаётганига сабаб бўлмоқда.
Калта шимлар
Ушбу модель исталган пойабзал билан мослашиши мумкинлиги билан аҳамиятли. Мазкур шим билан спорт услуби, классик ёки нафис образлар яратиш мумкин. Асосийси фантазияни ишга солиш ва гардеробдаги кийим-кечакларнинг қай бирини мослаш мумкинлиги ҳақида ўйлаш керак холос.
Қоматни акс эттирадиган шимлар
2020 йилнинг энг машҳур трендларидан бири деб эътироф этилган мазкур модель ўзига хослиги билан ажралиб туради. Saint Laurent Paris томонидан бир қанча ранг ва образлар билан тақдим қилинган бундай услубдаги шим, ҳар кимнинг қоматига мос тушавермаслигини ҳам инобатга олиш керак.
Бел қисми юқори бўлган шимлар
Мазкур модель шубҳасиз қоматни чиройли, оёқларни узун ва белни ингичка кўрсатади. Уни топ ва кастюм билан ёки калта ва кенг водолазка билан мослаш мумкин.
Кенг шимлар
Аксарият қиз ва аёллар нима учундир бундай услубдаги шим уларни тўлароқ кўрсатади деган хаёлга боради, аслида эса ўхшатиб, мос кийилса фақат ва фақат қоматни чиройли кўрсатади.
Мавзуга доир: Кайфиятни кўтарувчи либос ранглари. Ёрқинлик билан ўзингиз ва атрофдагиларга позитив улашинг
Баҳор ва ёз мавсуми оч ва ранг-баранг шимлар кийиш учун айни муддао. Оч рангли кроссовка, кета ёки босоножка билан мослаш образни янада жозибадор қилиб кўрсатади. Шунингдек, топ, футболка ёки шифон кофталар билан кийиш ҳам тавсия қилинади.
Изоҳ (0)