АҚШ президенти Дональд Трампнинг Twitter’да қилган баёнотидан кейин Brent нефтининг нархи бирданига 9 долларга ошди. Трамп ўз твитида Саудия Арабистонининг валиаҳд шаҳзодасига таяниб, Россия ва Саудия Арабистони нефть қазиб олишни қисқартириш бўйича келишувга эришганини маълум қилган. Бу ҳақда The Bell хабар берди.
Маълум қилинишича, ICE биржасида Brent нефтининг нархи бир баррель учун 9 долларга қимматлашган ва 26 доллардан 35 долларга кўтарилган. Бу Дональд Трамп Саудия Арабистони шаҳзодаси билан гаплашгани ҳақида хабар берганидан кейин юз берган. Бироқ кейинроқ нефть нархи пасайган ва 30,5 долларга тушган.
«Мен ҳозиргина дўстим, Саудия Арабистони валиаҳд шаҳзодаси Муҳаммад бин Салмон билан гаплашдим. У Россия президенти Путин билан мулоқот қилган. Мен кутяпман ва умид қиламанки, улар нефть қазиб олишни 10 миллион баррелга қисқартиради, балки кўпроқ бўлиши ҳам мумкин. Агар бу юз берса, бу нефть саноати учун ажойиб бўлади», — деб ёзган Дональд Трамп ўз твитида.
Just spoke to my friend MBS (Crown Prince) of Saudi Arabia, who spoke with President Putin of Russia, & I expect & hope that they will be cutting back approximately 10 Million Barrels, and maybe substantially more which, if it happens, will be GREAT for the oil & gas industry!
— Donald J. Trump (@realDonaldTrump) April 2, 2020
Трампнинг твитидан 15 дақиқа ўтгач, Россия президенти матбуот котиби Дмитрий Песков Путиннинг бин Салмон билан гаплашгани ҳақидаги Трампнинг хабарини рад этган.
Трамп кейинги твитида нефть қазиб олиш қисқариши 15 миллион баррелга етиши мумкинлигини ёзган.
.....Could be as high as 15 Million Barrels. Good (GREAT) news for everyone!
— Donald J. Trump (@realDonaldTrump) April 2, 2020
Аввалроқ Путин ва Трамп телефон орқали коронавирус пандемияси ҳамда нефть нархларини муҳокама қилган эди.
Изоҳ (0)