Коронавирус пандемияси оқибатида араб мамлакатларида 2020 йилда 8,3 миллион киши камбағалга айланади. Бу ҳақда Бирлашган Миллатлар Ташкилотининг расмий сайтида маълум қилинди.
Ташкилотнинг ҳисоб-китобларига кўра, тўйиб овқат ея олмайдиганлар сони икки миллион кишига кўпайиши мумкин.
БМТнинг Иқтисодий ва ижтимоий комиссияси Ғарбий Осиё учун ижрочи котиби Рола Даштининг маълум қилишича, инқирознинг оқибатлари аҳолининг ёрдамга муҳтож қатлами учун жиддий бўлади. Унинг қўшимча қилишича, хавф гуруҳига аёллар ва ёшлар, шунингдек, ижтимоий ҳимоя ва ишсизлик бўйича суғуртадан фойдалана олмайдиганлар киради.
Ташкилотнинг қайд этишича, айни пайтда араб мамлакатлари минтақасида 101,4 миллион киши камбағал ҳисобланади, яна тахминан 52 миллион киши тўйиб овқат емайди.
БМТ коронавирусдан жабр кўраётган араб мамлакатлари номини маълум қилмаган. Араб дунёсига Яқин Шарқ, Шимолий Африка мамлакатлари, Фаластин, шунингдек, Шарқий Африка давлатлари (Комор ороллари, Сомали, Жибути) киради.
Аввалроқ БМТ коронавирус туфайли дунёнинг барча мамлакатларини мигрантлар ва қочқинларни озод этишга чақирган эди. Ташкилот бош котиби коронавирусга қарши курашиш учун жаҳон ЯИМининг 10 фоизи миқдорида пул чоп этишни таклиф этган эди.
8.3 million people in the #Arab region will fall into poverty in 2020 due to #COVID19, according to a policy brief issued #today by #ESCWA. To help those affected, @EscwaES calls on #Arab Governments to establish a regional social solidarity fund.
— ESCWA (@UNESCWA) April 1, 2020
More 👉 https://t.co/0t3TakDjOd pic.twitter.com/5nZcDwrhhB
Изоҳ (0)