Кечки овқат учун макаронли 2 хил таом рецепти

Қуйида кўпчилик бекаларнинг севимли маҳсулоти макарондан икки хил тўйимли ва мазали таом тайёрлашни ўргатамиз.

Макарон ва сосискали таом

Керакли масаллиқлар:

• Олий навли макарон — 200 грамм
• Сосискалар — 2-3 дона
•  Бош пиёз — 1 дона
• Сариёғ — 30 грамм
• Кўк пиёз — бир боғ
•  Туз
• Мурч

Тайёрланиши:

• Макаронларни тузли сувда қайнатиб пишириб оламиз.
•  Бош пиёзни тўғраб оламиз, музлатгичдан сариёғни оламиз.
•  Пиёзни сариёғда 1—2 дақиқа давомида қовуриб оламиз.
• Сосискани тўғраб оламиз.
• Сосискани пиёз билан бирга 1—2 дақиқа давомида қовуриб оламиз.
• Майдалаб тўғралган кўк пиёзни аралаштирамиз, устига макарон, туз, мурч қўшиб, ҳаммасини аралаштирамиз. Овқат тайёр, дастурхонга чиройли қилиб қўямиз.

Сабзавотли спагетти

Керакли масаллиқлар:

• Ўртача катталикдаги сабзи — 1 дона
• Кичик қизил пиёз — 1 дона
• Булғор қалампири — яримта
• Помидор  — 3—4 дона
• Спагетти— 100 грамм
• Яшил зайтун — 10 дона
• Қовуриш учун ўсимлик ёғи
• Туз — таъбга кўра
• Мурч — таъбга кўра

Тайёрланиши:

1. Соус тайёрлаймиз. Помидорни блендерда майдалаб оламиз.
2. Пиёзни, булғор қалампири, сабзини тўғраб оламиз.
3. Сабзавотларни ўсимлик ёғида қовуриб оламиз. Унга зайтун, ярим стакан соусни қўшамиз.
4. Спагеттини алоҳида қайнатиб оламиз. Спагетти қайнаган сувдан ярим стакан олиб, сабзавотларга қўшамиз. Ундан сўнг сувдан чиқариб олинган спагеттини қўшамиз. Яхшилаб аралаштирамиз.
5. Сабзавотли спагетти тайёр. Таомни кўкат ва зайтун доналари билан безатамиз.

Ёқимли иштаҳа!