Pazandalik sohasidagi ekspertlar tuxum pishirishda eng keng tarqalgan 8 ta xatoni sanab o‘tdi, deb yozadi “Belnovosti”.

Foto: “Belnovosti”

Tuxumni qaynayotgan suvga solish

Tuxum muzdek muzlatgichdan olinib, darhool qaynoq suvga solinsa u yorilib ketadi. Bundan tashqari, pishganidan keyin ularning po‘stini tozalash qiyin bo‘ladi hamda bemaza chiqadi.

Pichoqni noto‘g‘ri ishlatish

Tuxum po‘stlog‘i uni turli zararli mikroorganizmlardan himoya qiilib turadi. Agarda siz tuxumni yorayotib, pichoqni ichiga tiqib olsangiz mahsulotga turli zararli mikroorganizmlar tushishi xavfi paydo bo‘ladi.

Noto‘g‘ri idish

Omlet tayyorlamoqchi bolsangiz cho‘yan tovadan foydalanmang. Bunday idish tuxum pishirish uchun umuman mos emas. Cho‘yan idish tuxum mazasini buzadi. Bundan tashqari, tuxum cho‘yan idishga yopishib ketishi mumkin.

Ko‘p tuxumni kichkina idishda qaynatish

10 ta tuxumni kichkina kastryulada qaynatsangiz, joy torligi tufayli ularning yarmi pishib, yarmi xomligicha qolishi mumkin. Shuning uchun ko‘proq tuxum uchun kattaroq idish tanlash maqsadga muvofiq.

Pishgan omletni gaz ustida qoldirish

Omlet tayyor bo‘lishi bilan uni dasturxonga tortishga odatlaning. Agar tuxum gaz ustida qolib ketsa, u qurib, bemaza bo‘lib qoladi.

Tuxum issiqligida uni po‘stidan tozalash

Agar tuxum qaynab chiqishi bilan uni tozalashga odatlangan bo‘lsangiz, unda tuxumning kamida yarmini isrof qilar ekansiz. Chunki bunday sharoitda tuxum oqi po‘stidan ajralmaydi. Tuxumni sovitib, keyiin archigan ma’qul.

Noto‘g‘ri tanlangan daraja

Omlet baland olovni yoqtirmaydi. Agar tuxumli taom mazali chiqsin, desangiz gazni pasaytiring.

Pishgan tuxumni qaynoq suv ichida qoldirish

Mana shu zararsiz ko‘ringan odat ham tuxum mazasini buzadi. Shuning uchun tuxum pishib chiqishi bilan uni suvdan chiqarib qo‘yish kerak.