Гречка оқсил ва витаминларга бой маҳсулот ҳисобланади. Бироқ гречкадан тайёрланган таомлар ҳар доим ҳам болаларга ёқавермайди. Қуйида болажонлар севиб тановвул қилиши учун гречкадан тайёрланадиган учта мазали егулик рецептини келтирамиз.
Гречкали ширин кекс
Керакли масаллиқлар:
Шакар — 100 грамм
Ўсимлик ёғи— 100 мл
Какао — 1 ош қошиқ
Гречка уни — 100 грамм
Сув — 6—8 ош қошиқ
Сода — ярим чой қошиқ
Тайёрланиш жараёни: Тухум оқи сариғидан ажратиб олинади. Тухум оқи қаттиқ кўпик ҳосил бўлгунча кўпиртирилади. Тухум сариғига шакар, какао, ёғ солиниб, бир хил масса ҳосил бўлгунига қадар аралаштирилади. Массага ун ва сув солинади. Сўнг сода қўшамиз ва яхшилаб аралаштирамиз. Кейин хамирга кўпиртирилган тухум оқини солиб аралаштирамиз.
Хамирни қолипчаларга солиб, духовкада 180 даражада пишириб оламиз.
Гречкали ва қўзиқоринли шўрва
Керакли масаллиқлар:
Картошка —4 дона
Шампиньон қўзиқоринлари —150 грамм
Сабзи — яримта
Гречка — 3 ош қошиқ
Ўсимлик ёғи — 3 ош қошиқ
Сув — 2,5 литр
Туз таъбга кўра.
Тайёрланиш жараёни: Картошкани тозалаймиз ва бўлакларга бўламиз. Сувни қайнатамиз. Гречка, картошкани қайнаётган сувга солиб, паст оловда 20—25 дақиқа қайнатамиз.
Қолган маҳсулотларни ёғда қовуриб олиб, шўрвага қўшамиз.
Гречкали ва пишлоқли котлетлар
Керакли масаллиқлар:
Қайнатилган гречка — 200 грамм
Қаттиқ пишлоқ: 100 грамм
Ун — 2 ош қошиқ
Сариёғ — 50 грамм
Тухум — 2 та
Қийма — 100 грамм
Таъбга кўра туз ва зираворлар.
Тайёрланиши: Тухумни кўпиртириб, гречка, қийма, қирғичдан ўтказилган пишлоқ, ун ва зираворларни қўшамиз. Тайёр массадан шакллар ясаб, товага сариёғни солиб, котлетларни қовуриб оламиз.
Мавзуга доир:
- Десерт ўрнини босувчи ва осон тайёрланувчи мевали салат
- 5 дақиқада тайёрланадиган фойдали нонушта
- Тухум пиширишдаги унинг мазасини бузадиган 8 та хато
- Уй шароитида музқаймоқ тайёрлаймиз. Бунинг учун атиги учта маҳсулот керак бўлади
- Профессионал ошпазлар товуқ пиширишда кўпчилик аёллар йўл қўядиган хатоларни санаб ўтди
Изоҳ (0)