10 дақиқада тайёр бўладиган 3 та баҳорий салат

Баҳорда организм витаминларга ҳар қачонгидан ҳам кўпроқ эҳтиёж сезади. Шунинг учун ушбу мавсумда сифатли овқатланиш ўта муҳим. Қуйида сизга тез тайёр бўладиган витаминларга бой учта салат рецепти тақдим этилади.

Помидор, бодринг ва булғор қалампиридан салат

Керакли масаллиқлар:

• Помидор — 2 дона
• Бодринг — 2 дона
• Булғор қалампири — 1 дона
• Салат барглари — таъбга кўра
• Ўсимлик ёғи — 1 чой қошиқ
• Туз — таъбга кўра

1․Помидор, бодринг ва булғор қалампирини тўғранг.

2․Сабзавотларга салат барглари, ёғ ва туз қўшиб аралаштиринг.

Қаймоқ ва шоколад қўшилган мевали салат

Керакли масаллиқлар:

• Банан — 2 дона,
• Олма — 2 дона
• Киви — 1 дона
• Апельсин — 1 дона
• Малина — ярим стакан
• Шоколад — 100 грамм
• Кўпиртирилган қаймоқ — таъбга кўра

1․Банан, олма, киви ва апельсинни майдалаб тўғраб, унга малинани аралаштиринг.

2․Шоколадни ҳам бўлакларга бўлиб мевалар устига соламиз. Безаш учун бироз шоколад қолдирамиз.

3․Мевалар устига кўпиртирилган қаймоқни солиб, қирғичдан ўтказилган шоколад билан безатамиз.

Тухум ва кўк пиёзли салат

Керакли масаллиқлар:

• Тухум — 4-5 дона
• Кўк пиёз — ярим боғ
• Майонез — таъбга кўра
• Туз — таъбга кўра

1․ Тухумни қайнатиб олинг, совутинг, тозалаб олинг.

2․Тухумни тўртбурчак шаклида тўғраб олинг.

3․Кўк пиёзни майдалаб тўғраб олинг.

4․Масаллиқларга майонез ва туз солиб, аралаштиринг.

Ёқимли иштаҳа!