Буюк Британия шаҳзодаси Чарльз коронавирусдан тузалиб, карантиндан чиқди

Коронавирусга чалинган Буюк Британия шаҳзодаси Чарльз мазкур касалликдан тузалди ва шифокор кўригидан кейин карантиндан чиқди. Бу ҳақда қироллик қароргоҳи баёнотига таяниб, «Интерфакс» хабар берди.

Маълум қилинишича, 71 ёшли шаҳзода етти кун давомида Шотландиядаги Балморал қалъасида излояцияда бўлган. У айни пайтда ўзини яхши ҳис қилмоқда ҳамда Буюк Британия ҳукумати томонидан коронавирус пандемиясига қарши кураш бўйича жорий қилинган чекловларга риоя қилмоқда.

Шаҳзода Чарльзда коронавирус аниқлангандан кейин унинг 72 ёшли рафиқаси ҳам текширувдан ўтган ва унда касаллик аниқланмаган. Шундан сўнг, улар Шотландиядаги қалъага ўз-ўзини изоляция қилиш учун кетган.

Қайд этилишича, шаҳзода Чарльз вирусни кимдан юқтириб олганлигини аниқлаш имконсиз, чунки у касаллик аниқланишидан олдин турли кишилар билан кўплаб учрашувлар ўтказган.

Аввалроқ Буюк Британия бош вазири Борис Жонсон коронавирусга чалингани ҳамда Буюк Британия ҳукумати аъзоларига коронавирус юқтирган энг биринчи беморнинг кимлиги маълум бўлган эди.