Грузияда коронавирус пандемияси сабаб комендантлик соати жорий этилмоқда. Бу ҳақда Грузия бош вазири Георгий Гахарияга таяниб, Tengrinews хабар берди.
Таъкидланишича, комендантлик соати 21:00 дан 06:00 га қадар давом этади. Ушбу вақт оралиғида пиёда ва транспортда ҳаракатланиш тақиқланади. Мазкур қарор 31 март куни соат 08:00 дан кучга кирди.
«Фавқулодда ҳолат вақтида деярли тўлиқ карантин эълон қилинади. Соат 21:00 дан бошлаб шаҳарлар ва бутун мамлакат бўйлаб пиёда ва транпортда ҳаракатланиш тақиқланади», — дейди бош вазири.
Шунингдек, карантин режими вақтида 70 ёшдан ошган қарияларга кўчага чиқиш тақиқланади. Улар фақатгина яқин атрофдаги озиқ-овқат дўкони, дорихона ёки тиббиёт муассасасига бориши мумкин.
Сўнгги маълумотларга кўра, Грузияда коронавирус билан касалланганлар сони 98 кишига етган.
Мавзуга доир: Саудия Арабистонида комендантлик соати жорий этилди
Изоҳ (0)