Италияда 27 март ҳолатига кўра COVID-19 коронавируси оқибатида вафот этганлар сони 9134 кишига етган. Ўтган бир сутка ичида 969 киши касаллик оқибатида вафот этган — бу мамлакатда эпидемия бошланганидан буён энг катта ўлим кўрсаткичидир, деб хабар беради «Коммерсантъ».
Ҳозирда Италия коронавирус оқибатида юзага келган ўлим ҳолатлари бўйича дунёда биринчи, касаллар сони бўйича иккинчи ўринда (АҚШдан кейин) кетмоқда.
«Бугунги маълумотларга кўра, пандемиядан 589 киши соғайган бўлиб, уларнинг сони 10 950 кишига етди. Афсуски, бир сутканинг ўзида 969 киши вафот этди», — дейди Италия соғлиқни сақлаш ва фавқулодда вазиятлар бўйича комиссари Доменико Аркури.
Аркурининг таъкидлашича, айни вақтда 66,4 минг италиялик коронавирус инфекциясини юқтириб олган бўлиб, ўтган бир сутка ичида уларнинг сони 4,4 мингга ошган. Вафот этган ва даволанишга муваффақ бўлганлар билан қўшиб ҳисоблаганда касалликка чалинганлар сони 86,5 минг кишига етган. Ушбу кўрсаткичлар билан Италия Хитойдан ҳам ўтиб кетди.
Мавзуга доир:
Изоҳ (0)