АҚШда COVID-19 коронавирус инфекцияси билан касалланганлар сони 100 минг кишидан ошиб кетди. Бу ҳақда вирус тарқалишини реал вақт режимида кузатиб борувчи Жонс Ҳопкинс университети маълумотларида келтирилган.
Қўшма Штатлар касаллар сони юз мингдан ошган биринчи давлатга айланди. Маълумотларга кўра, инфекция оқибатида асосан Нью-Йорк (37 мингдан ортиқ), Нью-Жерси (6,8 минг) ҳамда Калифорния (3,8 минг) штатлари жабр кўрган.
Касаллик оқибатида мамлакат бўйлаб вафот этганлар сони 1,5 минг кишидан ошган. Уларнинг асосий қисми Нью-Йоркда (366) қайд этилган. Коронавирусдан даволанганлар сони эса 862 кишини ташкил этмоқда.
Аввалроқ Жаҳон соғлиқни сақлаш ташкилоти раҳбари Тедрос Адан Гебрейесус COVID-19 коронавирус инфекциясидан бутун дунёда 100 мингдан ортиқ одам тузалганини маълум қилганди.
Мавзуга доир:
Изоҳ (0)