«Дарё» мухбирининг хабар беришича, 27 март соат 17:00 дан бошлаб Фарғона шаҳрига кириш-чиқиш тўхтатилди.
Мазкур чора аҳоли саломатлиги учун қўлланилган бўлиб, юк ташиш билан боғлиқ ҳолларда, шунингдек, доимий яшовчи шахсларга нисбатан татбиқ этилмайди.
Таъкидланишича, маҳаллий давлат ҳокимияти органлари, ҳуқуқ-тартибот идоралари, бошқарма, идора ва ташкилот (нодавлат ташкилот) ларда ишловчи раҳбар ҳамда ходимлар, шифокор ва ҳамширалар, давлат санитария ва эпидемиологик осойишталик маркази ходимлари, вилоят ҳокимининг алоҳида топшириғига асосан туманларга бириктирилган масъул ходимлар вилоят бўйлаб ҳаракатланиши мумкин.
Фарғонада коронавирус инфекцияси билан касалланган 8 нафар беморнинг 5 нафари истиқомат қилувчи Ёзёвон туманида эса карантин чоралари кучайтирилган.
Президент Шавкат Мирзиёев раислигида 26 март куни ўтказилган видеоселектор йиғилишида Ёзёвон туманида яшовчи аёл Умра зиёратидан қайтгач, эртаси куни 120 нафар кишига зиёфат бергани айтилганди.
«Оқибатда унинг тўрт нафар оила аъзоси инфекция юқтиргани аниқланди. Яна қанча одам касаллангани ҳали номаълум», — деган давлат раҳбари.
Изоҳ (0)