Ўзбекистон Республикаси Олий Мажлиси Қонунчилик палатасининг 27 мартдаги ишчи йиғилиши илк бора видеоконференсалоқа тарзида ўтказилди. Бу ҳақда Олий Мажлис қуйи палатасининг ахборот хизмати хабар берган.
Хабарга кўра ушбу мажлисни масофадан ташкиллаштириш учун техник имкониятлар етарли даражада бўлган.
Депутатлар ишчи мажлиси давомида Президентнинг халққа коронавирус пандемиясига қарши кураш борасида йўллаган мурожаатини ва бу борада Қонунчилик палатаси вакилларининг зиммасидаги вазифалар хусусида фикр алмашган, дейилади хабарда.
Аввал Олий Мажлис Сенатининг навбатдаги ялпи мажлиси ҳам карантин сабаб видеоконференсалоқа тарзида ўтказилганди.
Изоҳ (0)