Ўзбекистон Президенти қарори билан полковник Нишонбаев Саидкарим Абдуҳакимович ички ишлар вазирининг ўринбосари этиб тайинланди. Бу ҳақда Ички ишлар вазирлиги хабар берди.
Маълум қилинишича, Саидкарим Нишонбоев мазкур тайинловга қадар Ички ишлар вазирлигининг Ташкилий департаменти, бошқарма бошлиғи ўринбосари лавозимида фаолият юритган.
Саидкарим Нишонбоев 2017—2018 йилларда Тошкент вилоят ИИБ бошлиғи лавозимида фаолият юритган.
Аввалроқ, Ўзбекистон ички ишлар вазири ўринбосари — Тошкент шаҳар ИИББ бошлиғи генерал майор Рустам Жўраев Миллий гвардия қўмондони лавозимига тайинланган эди. Шунингдек, Ички ишлар тизимида бир қатор тайинловлар амалга оширилган эди.
Изоҳ (0)