Мадриднинг «Реал» клуби ёзги трансфер ойнасида ҳужум чизиғини кучайтирмоқчи.
Marca’нинг хабар қилишича, мадридликларнинг асосий мақсади «Боруссия Д» ҳужумчиси Эрлинг Ҳоланд бўлиб турибди.
Шу билан бирга «Реал» ПСЖ форварди Килиан Мбаппени ҳам қўлга киритиш ниятидан қайтмаган. Бироқ жамоа 2020 йилнинг ёзида бу ишни амалга ошира олишига кўзи етмаяпти.
19 ёшли норвегиялик футболчи январда «Зальцбург»дан дортмундликлар сафига келиб қўшилди. Аввалроқ футболчига «Ювентус»дан ҳам қизиқиш борлиги хабар қилинганди.
Ҳоланд Бундеслиганинг жорий мавсумида 8 ўйин ўтказиб, 9 гол ва иккита самарали узатма муаллифига айланди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)