2018/19 йилги мавсумда энг кўп даромад олган футболчилар маълум бўлди

France Football нашри футболчи ва мураббийларнинг 2018/19 йилги мавсумдаги даромадларини ҳисоблаб чиқди.

Рўйхатни тузиш вақтида ўйинчиларнинг маоши, имиж ҳуқуқидан олинадиган даромад ва мавсум учун тўланган бонус пуллари инобатга олинди.

Унга кўра, «Барселона» ҳужумчиси Лионель Месси жаҳоннинг энг кўп маош оладиган футболчиси деб топилди. Аргентиналик футболчининг ўтган мавсумдаги даромади 131 миллион еврони ташкил этган.

Иккинчи поғонадан йиллик 118 миллион евро даромад билан «Ювентус» форварди Криштиану Роналду ўрин олган бўлса, ПСЖ ҳужумчиси Неймар (95 миллион евро) кучли учликни якунлаб берган.

Нашр маълумотларига кўра, «Атлетико» устози Диего Симеоне энг кўп даромад топган мураббий сифати эътироф этилди. Аргентиналик мутахассис 2018/19 йилги мавсумда 40,5 миллион евро даромад қилган. Кейинги ўринларни «Интер» бош мураббийи Антонио Конте (30 миллион евро) ва «Манчестер Сити» устози Хосеп Гвардиола (27) эгаллаган.