Расман: Коронавирус сабаб Токио—2020 Олимпиадаси 1 йилга кечиктирилди

2020 йил Токио мезбонлигида ўтиши режалаштирилган навбатдаги ёзги Олимпиада ўйинлари коронавирус сабаб кечиктирилди.

Япония бош вазири Синдзо Абэ Халқаро олимпия қўмитаси раиси Томас Бах билан 2020 йилги Токио Олимпиадасини 1 йилга кечиктириш бўйича келишувга эришганини эълон қилди.

Аввалроқ Япония ҳукумат раҳбарининг ХОҚ раҳбарига Олимпиадани 1 йилга кечиктириш таклифи билан чиқиши маълум бўлган, бу таклифга эса бир нечта мамлакатнинг Миллий олимпия қўмиталари ҳам розилик билдирганди.

Токиодаги Олимпиада ўйинлари 24 июлдан 9 августга қадар ўтиши белгиланганди.

Жаҳон соғлиқни сақлаш ташкилотининг сўнгги маълумотларига кўра, коронавирус сабаб дунё бўйлаб 330 мингдан ортиқ киши зарарланган, 14,5 минг киши вафот этган.

Мавзуга доир:

• Канада Токио—2020 Олимпиадасига спортчиларини юборишдан бош тортди
• Олимпиада машъаласи ёқилди. Тадбир мухлисларсиз ўтказилди
• Коронавирус сабаб Ўзбекистонда халқаро тадбирлар ва спорт мусобақалари вақтинча тўхтатилди