«Манчестер Юнайтед» собиқ ярим ҳимоячиси айни дамда Хитойнинг «Шаньдун Лунэн» клуби аъзоси бўлган Маруан Феллаини коронавирусга чалинди. Бу ҳақда Goal хабар бермоқда.
Қайд этилишича, Цзинань соғлиқни сақлаш департаменти Феллаинининг коронавирус учун топширган тести ижобий натижа тақдим этган. Тест 20 март куни топширилган.
Шу тариқа Маруан Хитой чемпионатидаги футболчилар орасида биринчи бўлиб коронавирус юқтирган футболчига айланди.
Маълумот учун, шу кунга қадар футбол соҳаси вакиллари орасида Даниэле Ругани, Блез Матюиди, Пауло Дибала, Эсекьел Гарай, Элиаким Мангаля, Хосе Луис Гайя, Паоло Мальдини ва унинг ўғли ушбу вирусни юқтириб олди. Шунингдек, «Реал» собиқ президенти Лоренцо Санс ушбу вирус сабаб вафот этди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)