Ўзбекистон ташқи ишлар вазирига Шерзод Асадов янги ўринбосар этиб тайинланди. Бу ҳақда Ташқи ишлар вазирлиги маълум қилди.
Хабар берилишича, 19 март, пайшанба куни, Ўзбекистон Ташқи ишлар вазирлигининг кенгайтирилган ҳайъати йиғилишида вазир ўринбосари этиб тайинланган Шерзод Асадов таништирилди.
Шерзод Асадов бунга қадар Ўзбекистоннинг Австриядаги элчиси, Европада хавфсизлик ва ҳамкорлик ташкилоти ва Вена шаҳридаги бошқа халқаро ташкилотлар ҳузуридаги доимий вакили сифатида ишлаган. Шунингдек, Шерзод Асадов ушбу элчихона маслаҳатчиси, Ўзбекистоннинг Австриядаги муваққат ишлар вакили, Ўзбекистон ташқи ишлар вазири ёрдамчиси лавозимларида ишлаган.
Аввалроқ Фарҳод Арзиев Ўзбекистон ташқи ишлар вазирининг биринчи ўринбосари этиб тайинланган эди.
Изоҳ (0)