Белла Ҳадид карантинда худбин бўлмаслик ва дўконда ҳожатхона қоғозларини талашмасликка чақирди

Модель Белла Ҳадид ўзининг Instagram саҳифасида коронавирус карантини вақтидаги ўй ва фикрлари билан бўлишди, деб ёзади «Бура 24/7» нашри. Аввалроқ Милан ва Париждаги модалар ҳафталигида иштирок этган Белла бир неча кундан бери ўзини-ўзи изоляция қилган.

«Меҳрибон, ҳурматли ва эътиборли бўлинг. Албатта, ижтимоий масофа сақланиши тўғридан-тўғри ёш ва соғлом одамлар билан боғлиқ эмас. Ҳозир худбинликнинг вақти эмас, иммунитети пастлиги сабаб зарарланиш эҳтимоли юқори бўлган кишиларга диққатли бўлинг.

Вирус тарқалишини секинлаштириш учун ушбу даврга жиддий ёндашиш муҳим.  Мен бефарқ бўлгандан кўра, ортиқча муносабат билдирган яхшироқ, деган бўлардим. Илтимос бундай вақтда ахлоқий компасингизни ёқиқ сақланг ва бошқаларга меҳр-шафқатли бўлинг. Агар дўконда, кекса аёл билан ҳожатхона қоғозини талашаётган бўлсангиз, унда сиз ноҳақсиз ва муаммони ҳал қилиш учун ҳеч нима қилмаяпсиз. Меҳр-муҳаббат улашинг, ана шунда олам касалликдан фориғ бўлади. Аста-секин, лекин албатта тузалади… Ҳамон ишлаётган инсонлар, сизларга раҳмат, мен сиз ҳақингизда ўйлаяпман. Ўзингизни асранг, мен сизларни яхши кўраман», — деб ёзган Белла.