Сўнгги ўн йилликнинг дунёда энг кўп қўлланилган сўзларидан бир «инвестиция» сўзидир. Ҳаётимизга тобора кириб бораётган бу «инвестиция» ўзи нима ва уни кўпроқ нимада қўллаш фойдалироқ? Шу каби саволларга сиёсий фанлар доктори Отабек Ҳасанов ўзининг қисқача видеолавҳасида изоҳ берди.
Энг яхши инвестиция
Кўпчилик менга «бугун кўпроқ қайси соҳаларга инвестиция киритиш керак?» деб савол беради. Кўпчилик ўйлайдики, инвестиция бу фақат бизнес — дўкон очиб маҳсулот сотиб ол ва устига қўйиб сотиш. Тўғри, бу балки қайсидир маънода фойда келтириши мумкин. Лекин менинг фикримча, дунёдаги энг яхши инвестиция бу ақлга, яъни ўзининг қайсидир соҳада ривожланишига тикилган инвестициядир.Яқинда бир танишим келиб, озгина тўплаган маблағи борлиги ва бундан фойда олиш учун нима қилиши кераклиги ҳақида маслаҳат сўраб келди. Мен ўйлаган инвестиция учун иш бошлаётган одамнинг қай даражада салоҳиятга эгалиги жуда ҳам муҳим эди. Шу боис у билан суҳбатлашдим ва у хорижий тилни билмаслигини, соҳасига доир китоб ўқимаганлигини ва спорт билан шуғулланмаслигини билиб олдим.
Юқоридагиларни ҳисобга олиб, 15 миллион сўмни тўғри инвестиция қилиш бўйича бизнес режа туздик.
Биринчи қилган ишимиз — китоб дўконига бориб қаҳрамонимизнинг иш соҳаси ва дунёқарашининг ривожланишига ёрдам берадиган 10 дона китоб сотиб олдик. Ҳар бирининг ичига уни ўқиб чиқиш муддатини белгиладик.
Иккинчи қилган ишимиз — инглиз тили курсларига бориб, унинг ишдан чиқиш вақтига мослаб аъзо бўлдик.
Учинчи қилган ишимиз — фарзандини инглиз тили тўгарагига, спортдан шахматга ва санъатдан фортепианога ёздирдик.
Тўртинчи муҳим қилган ишимиз эса ҳар шанба бизнес режамиз қанчалик амалга ошаётгани бўйича мониторинг қилиб, хатоларимизни таҳлил қилдик ва уларни тузатиб бордик.
Назария: Менежментда «Деминг цикли» деган тушунча бор. Унга кўра ҳар қандай ислоҳот ёки бизнес режа 4 та босқичдан иборат. Булар:Режаларимиз 7 ойдан сўнг ўз натижасини берди. Қаҳрамонимиз инглиз тилидан IELTS топширди ва 6 балл олди. Ўтган вақт давомида дунёдаги энг машҳур 16 дона китоб ўқиди. Ўзбекистондаги топ компанияларга шахсий маълумотнома топширди ва суҳбатдан ўтди. Ҳозирда катта бир компанияда лойиҳа бошлиғи вазифасида ишламоқда. Маоши 10 миллион сўмдан кам эмас.— режалаштириш;
— бажариш;
— текшириш, таҳлил қилиш;
— амалга ошириш (ҳаракат).
Мисол: Охирги учта Олимпия ўйинларида Усэйн Болт 9 та олтин медални қўлга киритди. У жами бўлиб 115 сониягина югуриб, 119 миллион доллар ишлаб олган. Ҳар бир сонияси учун 1 миллион доллардан ортиқроққа тўғри келар экан. Лекин шу 115 сония учун Усэйн Болт 20 йилдан кўпроқ тайёргарлик кўрган экан.Мана шу «инвестиция» дейилади.
Энг яхши инвестиция бу ўзингизга тикилган маблағ ва ажратилган вақтдир. Уни сиздан ҳеч ким олиб қўя олмайди ва банкрот ҳам бўлмайсиз.
Отабек Ҳасанов, сиёсий фанлар доктори
Изоҳ (0)