Model Bella Hadid o‘zining Instagram sahifasida koronavirus karantini vaqtidagi o‘y va fikrlari bilan bo‘lishdi, deb yozadi “Bura 24/7” nashri. Avvalroq Milan va Parijdagi modalar haftaligida ishtirok etgan Bella bir necha kundan beri o‘zini-o‘zi izolyatsiya qilgan.
“Mehribon, hurmatli va e’tiborli bo‘ling. Albatta, ijtimoiy masofa saqlanishi to‘g‘ridan-to‘g‘ri yosh va sog‘lom odamlar bilan bog‘liq emas. Hozir xudbinlikning vaqti emas, immuniteti pastligi sabab zararlanish ehtimoli yuqori bo‘lgan kishilarga diqqatli bo‘ling.
Virus tarqalishini sekinlashtirish uchun ushbu davrga jiddiy yondashish muhim. Men befarq bo‘lgandan ko‘ra, ortiqcha munosabat bildirgan yaxshiroq, degan bo‘lardim. Iltimos bunday vaqtda axloqiy kompasingizni yoqiq saqlang va boshqalarga mehr-shafqatli bo‘ling. Agar do‘konda, keksa ayol bilan hojatxona qog‘ozini talashayotgan bo‘lsangiz, unda siz nohaqsiz va muammoni hal qilish uchun hech nima qilmayapsiz. Mehr-muhabbat ulashing, ana shunda olam kasallikdan forig‘ bo‘ladi. Asta-sekin, lekin albatta tuzaladi… Hamon ishlayotgan insonlar, sizlarga rahmat, men siz haqingizda o‘ylayapman. O‘zingizni asrang, men sizlarni yaxshi ko‘raman”, — deb yozgan Bella.
Mavzuga doir:
- Kim Kardashyan ko‘chada qisqichbaqaga duch keldi va uni Twitter’da yulduzga aylantirdi
- Bvlgari brendi ayol va erkaklar uchun yangi soat modelini taqdim qildi
- New Balance 850 krossovkalari yangicha ko‘rinishda taqdim etildi
- Ishchilar formasi bo‘lgan jinsi qanday qilib trendga aylandi? Jinsi yaratilishiga sabab bo‘lgan oltin konlari
Izoh (0)