Мактабгача таълим вазирлиги томонидан 18 март, чоршанба куни, коронавирус инфекцияси тарқалишининг олдини олиш ва профилактика қилиш юзасидан амалга оширилган чора-тадбирлар мавзусида давра суҳбати ўтказилди.
Унда Мактабгача таълим вазири Агриппина Шин амалга оширилган чора-тадбирлар борасида тўхталиб ўтган бўлса, вазирлик бу борада расмий баёнот билан чиқди.
Баёнотда, хусусан, давлат мактабгача таълим ташкилотлари зиммасига тиббий ҳамширалар томонидан ҳар куни барча тарбияланувчилар орасида патронаж ўтказилиб, унинг натижаси ҳақидаги кундалик маълумотларни туман (шаҳар) мактабгача таълим бўлимида коронавирус инфекцияси тарқалишининг олдини олиш юклангани маълум қилинган.
Таътил кунлари ота-оналар билан мунтазам равишда алоқада бўлиш, тарбияланувчилар аҳволидан хабар олиш, тушунтириш ишлари олиб бориш, тарбияланувчилар орасида коронавирус инфекциясига гумон қилинган ҳолат аниқланганда, дарҳол ушбу ҳолат юзасидан тезкор маълумотни ҳудудий бўлинмаларда ташкил этилган штаблар орқали Ўзбекистон Республикаси Мактабгача таълим вазирлигининг штабига юборилишини таъминлаш вазифалари ҳам юклатилади.
Республика ҳудудидаги барча нодавлат мактабгача таълим ташкилотларининг раҳбарларига масъулият ва жавобгарликни зиммасига олган ҳолда юқорида қайд этилган тадбирларни амалга ошириши тавсия этилган.
Навбатдан ташқари таътил муддатини узайтириш зарурати бўлган тақдирда 2020 йилнинг 26 мартига қадар Республика махсус комиссиясига таклиф киритилиши таъминланади.
Бугунги кун ҳолатига кўра, Ўзбекистонда 14 050 та мактабгача таълим ташкилотининг фаолияти тўхтатилган. 1 458 681 нафар тарбияланувчи таълим ташкилоти тиббий ҳамширасининг потранажи остида уй шароитида қолмоқда.
Мавзуга доир: Агриппина Шин мактабгача таълим муассасаларида қайси ходимлар фаолиятини иш жойида амалга ошириши ҳақида маълумот берди
Изоҳ (0)