10-mart kuni Tojikistonga tashrif buyurgan O‘zbekiston Mudofaa vazirligi harbiy xizmatchilari mahalliy aholi va ikki mamlakat chegaralarida joylashgan jamoat vakillari tomonidan non va tuz, qo‘shiq va raqslar bilan kutib olindi. Bu haqda Mudofaa vazirligi axborot va ommaviy kommunikatsiyalar departamenti xabar berdi.
Tojikistonga kelgan o‘zbek ofitser va askarlari tojikistonlik hamkasblari bilan “Faxrobod” poligonida 11—14-mart kunlari bo‘lib o‘tadigan antiterroristik o‘quv mashg‘ulotlarida ishtirok etadi.
Asia-Plus nashrining yozishicha, Tojikiston mudofaa vaziri general-polkovnik Sherali Mirzo rahbarligi o‘tkazilayotgan mashg‘ulotlar davomida ikki mamlakat harbiylari Tojikiston va O‘zbekiston chegaralarini kesib o‘tishda vaziyatni beqarorlashtirish uchun chiqqan shartli terrorchilarni qurshovga olish va yo‘q qilish bo‘yicha qo‘shma harakatlarni ishlab chiqadi.
Izoh (0)