Иорданиянинг Амман шаҳри мезбонлик қилаётган бокс бўйича лицензион мусобақанинг финал жанглари 11 март, чоршанба куни бўлиб ўтди.
+91 килограмм вазн тоифасида Ўзбекистон байроғини ҳимоя қилган Баҳодир Жалолов финалда Австралия вакили Жастис Ҳанига қарши рингга чиқди. Жанг тўлиқ ўзбекистонлик боксчининг устунлигида ўтди ва якунда Жалолов 5:0 ҳисоби билан ғолибликни қўлга киритди.
Маълумот учун Ўзбекистон терма жамоасининг уч вакили (Миразиз Мирзаҳалилов, Элнур Абдураимов) финалга қадар етиб келди ва уларнинг барчаси олтин медалга эга чиқди. Шунингдек, яна уч нафар ўзбекистонлик боксчи Токио Олимпиадасига йўлланмани қўлга киритди.
Ўзбекистон терма жамоаси учта олтин ва учта бронза билан умумжамоа ҳисобида биринчи ўринни қўлга киритди.
Изоҳ (0)